एकदा मला स्वप्नात देव भेटला .......

एकदा मला स्वप्नात देव भेटला
त्याच्यापुढे मी एक प्रश्न ठेवला .....
"न्यायाच्या तुज्या राज्यात
प्रजेवर असा असा अन्याय का केला -
कोणाच्या पदरात सुख टाकले
तर कुणाच्या नशिबात दुख दिले... "
यावर तो हसून म्हणाला...
"माणसातली नाती गुफंताना
दोन्ही धाग्यांचा वापर मी केला
कुणाच्या नशिबात सुखाचे टाके पडले
तर कुणाच्या नशिबी दुःखाचे आले...
"उत्तराचा अर्थ मला उमगला...
तितक्यात तो चिंतेने बोलला -
"विणलेले धागे आता सुटू लागले आहेत
गुफंलेली नाती आता तुटू लागली आहेत...
माझ्या या 'माणुसकी'च्या राज्यात
'माणुसकी'च आता हरविली आहे !!! " ....